1) هفت نارها
هفت نارها لكن الموح زوها.....وكبرت بعد نحساب صغرناها
هفت نارها القويا ****وراحت مع روح الزمان وجيا
ونسيت ياسا بو خجل ملويا****وحطن بعد طيل الرحيل ارساها
وعديتها صفحة جفا مطويا****لاتنقر ولاينفهم معناها
وحتى للى ينشد على ماضيا****انقول قريب انسيت حتى اسماها
ومادرت لميول الزمان عليا****كان هو صدفنا وصار لقاها
نحساب هو حد الغلا كسميا****انكان خالفت مقدر انعيش بلاها
لين طحت فى المحضورنابيديا****والعين كل اللى خشات جاها
وفى يوم ماليام وين عشيا****رمتنى الطريق اللى تجيب كداها
لونها هى اتقول ترجا فيا****ولا مواعدها انى نلقاها
قعدا كما كانت وخير شويا****ماى مالا من ياسها ورجاها
بعيون كيف عيون لبحاريا****وسالف ان سفات طويل كساها
وحسيت فى مياميها جفا وجفيا****وارياف من لوع ايام غلاها
وحسيت بترد السلام عليا****امغير كابرت عسوق وقت انجاها
وحسيتها بتقول ياغاليا****راو الجفا دابل لكوبود تراها
ومرا دقايق صمت به وبيا****لاهو حكي ولانا حكيت رساها
وابديت ابتهميد ايودع فيا****ويقول ياراحل رحيلك داها
عدى امعاك الله خلهن ليا****اشوقى وعبرات الجفا نكماها
ونا جيت شايل للحسا فى ديا****وبكيا زايد فى الوطا رواها
ورديت رغم ان الطريق اشويا****وانسيت معطاف المكان احداها قليل الهنا يلقا العضم فى الريا****كلما قديما لحنها غناها
وديما الشى اللى ابجد ونيا****ليام يبدلا صغا وسفاها
وليام ملينت غش وسيا**** والموجعا فيهن عتيم سماها
لو اتخص لونها اتكون خفيا****من ناس ربات الزمان امعاها
هادى ليتكى صهيدا حيا****وسفهك بعد زيل جباها
وتنزلك لوطا اديار السيا****وسفهك بعد زيل جباها
وتقعدلها فى القلب عجاجيا****لاتخف لا تنقص طويل مداها
كان غير فى صدرك اعزوم قويا***اللى يحجبن بينك وبين وطاها و يالله ياجاعل سما ونيا****وجاعل انجوم وشمس فى مجراها
وجاعل الوطا تدفق بغزر اميا****يروا اللى عطشان كانا جاها
وجاعل مودا بين خى وخيا****وعندك معاليم الحياة وخفاها
ان تحفض مجايد هلى من الحسديا*ومن ميل ها الدنيا من برماها وتعدنى ننسا ونصبر زيا**** غالى سريبا طال لين عماها
هفت نارها لكن الموح زوها ***وكبرت بعد نحساب صغرناه القصيد للماضوى
الخميس يونيو 12, 2008 6:29 am
